Kontakto: [ ] ose [ Kontakti ]   [ Prapa ]

Rinisje e mrekullueshme

Erdhi dita jonë e mrekullive

-- nga Engjëll KOLIQI

Garlate (LC), 10-11 qershor 2008

Koha e heshtjes së imponuar po zgjatej. Tashmë shumë njerëz kishin filluar kalkulimin e pensionimit tonë, duke mbërritur – çuditërisht, deri në orvatje për zhvlerësime e për fshirje të të gjitha sukseseve të arritura, që nga antika e deri në stinën tonë. Nga ana tjetër, gjithnjë e më të theksuara kanë qenë edhe injorimet e anashkalimet kundër nesh. Në qarqe të caktuara kanë vepruar ditenatë në këtë drejtim, në mënyrë që ne të mbetemi të distancuar dhe vetëm vëzhgues nga larg, të të gjitha veprimtarive që ndodhin në këtë botë. Njerëz të caktuar janë angazhuar në këtë drejtim dhe janë përgatitur komplotet – njëri pas tjetrit, pandërprerë. Gjithçka është bërë që ne të mos jemi aktorë të veprimtarive, as dëshmitarë të ndodhive në botën tonë.

Në kërkim të ndryshimeve

Megjithë bllokadat dhe anashkalimet, ne nuk jemi ndalur asnjë çast. Gjithnjë jemi munduar të kontribuojmë, aq sa na është lejuar dhe aq sa kemi pasur mundësi. Nuk jemi ndalur as atëherë kur nuk na është lejuar veprimi – jemi munduar edhe nga distanca ta japim kontributin tonë. Edhe në çastin kur nuk na është lejuar asnjë veprim, ne jemi orvatur maksimalisht të kontribuojmë diç, dhe kur nuk kemi mundur të ndërhyjmë me veprimtari konkrte, atëherë nga distanca kemi plasuar vërejtjet, sygjerimet dhe këshillat tona, për çështjet dhe problemet e caktuara që kanë qenë në rend dite. Kur kemi parë se asgjë nga vërejtjet, sygjerimet dhe këshillat tona nuk po përfillet, atëherë kemi ngritur zërin e arsyes dhe britmat tona për ndryshime kanë marrë dhenë – gjithkëndej e gjithandej, në botën mbarë.

Megjithë shantazhimet e pandalura kundër nesh – deri në sharje naive, ne nuk jemi ndalur kurrë, por përkundrazi, duke mos njohur në asnjë çast urrejtjen, gjithnjë u kemi ofruar bashkëpunim në lëvizjen tonë për ndërrimin e botës me dashuri – edhe atyre qarqeve që na kanë penguar, që na kanë bllokuar, që na kanë përfolur, që na kanë shantazhuar, që na kanë sharë e që shpirtërisht na kanë vrarë. Nuk jemi ndalur në asnjë çast dhe nuk do ndalojmë kurrë, sepse jemi të bindur që ndryshimet pozitive kësaj bote i vijnë vetëm me dashuri dhe me veprimtari të pandalshme, deri në sakrifikime. Dhe, në kërkim të ndërrimit të botës me dashuri, duam të bashkëpunojmë me të gjithë dhe jemi të gatshëm, madje edhe deri në sakrifikime.

N'atë të bekuarën ditë të mrekullisë

Edhepse në shikim të parë dukej rastësi, unë besoj që me fuqinë dhe me vulën e mrekullisë, u njohëm bashkë, n'atë të bekuarën ditë, që shumë rrallë vjen në këtë botë dhe troket në dyert' e historisë. Që në çastet e para të njohjes sonë, u sheshuan shumë dukuri, veti, tipare e vlera të përbashkëta – në ne e midis nesh. Dhe, pikërisht përbashkësia e vlerave tona, duke filluar nga ajo e bekuara ditë e mrekullisë, po përhap dritën e vërtetë të dashurisë – anekënd botës dhe në mbarë gjithësinë. Që n'atë ditë të bekuar kur u njohëm ne, bota e civilizuar ka parë shembullin tipik të dashurisë njerëzore, me një fuqi të pakrahasueshme të mrekullisë. Që n'atë ditë dashuria jonë e sheshuar filloi të përhap rrezet e arta, me vezullima të mrekullueshme – anekënd botës. Rrezet e dashurisë sonë po ngrohin zemra njerëzore dhe po forcojnë besën e njerëzve vullnetmirë, kudo në këtë botë.

Paralajmërimi i fitores së madhe

Ne, që në dy botëra të ndryshme e të largëta, dikur ishim faktorë të ndryshimeve – secili në botën e vet - të injoruar e të anashkalaur, për një kohë të gjatë - tashmë jemi rikthyer bashkë, të gjetur nën rrezet e dashurisë, në të bekuarën ditë të mrekullisë. Tashmë janë shumë fakte e argumente që flasin vetë. Nuk kemi nevojë për proklamime, as konfirmime publike, sepse janë aktet e dashurisë sonë, me rreze mrekullie, që flasin e kudo paralajmërojnë fitoren e madhe në histori – përfundimin e epokës së intereseve e të urrejtjes e fillimin e epokës së mrekullueshme të dashurisë. Dhe kjo është rinisja jonë e përbashkët, në marshin triumfal, që hap kremten e madhe të ndërrimit të botës me dashuri. Kjo është fitore e madhe, jo vetëm për ne, por për njerëzimin mbarë të kësaj bote. Prandaj, lirshëm mund të kremtojmë e të këndojmë. Mund t'i brohorisim e t'i këndojmë lavdi fitores sonë të madhe, që po ndërron historinë e mbarë njerëzimit. Nuk do hakmerremi – nuk do i anashkalojmë, as injorojmë ata që na kanë penguar, që na kanë përfolur, që na kanë shantazhuar, që na kanë sharë e që na kanë vrarë. Përkundrazi, ne do i afrojmë. Do ua japim mundësinë që të marshojnë bashkë me ne dhe të kontribuojnë në historinë e re.

---

Erdhi dita jonë e mrekullive

-- nga Engjëll KOLIQI

Garlate (LC), 12 qershor 2008

Siç e dijmë – asgjë në këtë botë nuk ndodh rastësisht. Atëherë, e njëjta gjë mund të thuhet edhe për lëvizjet tona. Asnjë nga lëvizjet dhe aktet tona nuk janë të rastësishme. Nga ëndërrbardhat e këndshme, me akte mrekullie po hyjmë në një periudhë të re historike, të cilën do e vulosim bashkë dhe do e quajmë – epoka e dashurisë. S'ka më kthim mbrapa, as të ndalur! Përfundimisht ka ardhë dita jonë dhe tashmë jemi aktorët dhe dëshmitarët e parë në mrekullinë e dashurisë.

As përshëndetja e parë, nga larg – vite më parë, nuk ishte thjeshtë e rastësishme. Ishte një përshëndetje e urdhëruar dhe e bekuar nga vetë Zoti, një përshëndetje e thjeshtë që zgjoi shumë ëndërra delikate dhe të rëndësishme, një përshëndetje që hyri në historinë e re, të pagëzuar me emrin e epokës së dashurisë, në historinë e mrekullive, që përmes nesh përhapin rreze dashurie anekënd botës – në mbarë gjithësinë. Ishte ajo"ciao" e parë, një përshëndetje historike, që për ne hapi një shteg të ri – shtegun që na shpuri në fronin e dashurisë, aty ku bujshëm u kurorëzuam me kurorë mrekullie. Ishte pra përshëndetja që zgjoi ëndërrbardhat tona të këndshme dhe i vuri në lëvizje drejt realitetit të ri, për të jetësuar shpresëmirat dhe për të na e dhuruar bashkë epokën e ndritur të dashurisë, që mrekullisht hyri në historinë njerëzore.

Mbas një periudhe heshtjeje, kur mendonim se gjithçka filloi e mbaroi vetëm me një përshëndetje, ndodhi mrekullia. Me porosinë e ëndërrbardhave të zgjuara, që vallëzonin nën melodi dashurie, ne rinisëm përshëndetjet dhe komunikimin tonë të rregullt. Hap mbas hapi mbërrijtëm në pikën më kulminante, në fronin e dashurisë, ku në mesin e vezullimave na priste kurora e mrekullisë. U kurorëzuam në praninë e të gjithë mbretërve dhe me bekimin e të gjithë zotërave. Vazhduam bashkë në marshin drejt mrekullive, që bashkë me ne po ndërrojnë këtë botë me dashuri. Vazhdojmë e nuk ndalojmë dot. Kurrë nuk do të ndalemi në mrekullitë tona, sepse çdo ditë e çdo çast kjo botë duhet të përjetojë ndryshime. Dhe, ndryshimet e botës me dashuri ne i filluam dhe vetëm ne mund t'i përmbushim sipas normale të përshtatshme të mrekullisë dhe gjithnjë me bekimin e Perëndisë. Nuk prajmë as ndalojmë ne, sepse njerëzia na do dhe nga ne pret mrekullitë, mrekullitë në ndryshimin e botës me dashuri. Nuk ndalojmë ne, sepse jemi faktorë vendimtarë të këtyre ndryshimeve, të cilat pa ne nuk kanë kuptim dhe vështirë të përmbushen. Nuk ndalojmë ne, sepse jemi protagonistë të parë dhe vendimtarë të dashurisë.

Sot – në këtë ditë të madhe, në ditën e dashurisë dhe të dashuruarve, në vigjilie të festës së shenjtit të mrekullive – Shën Ndout (Antonit), ne – aktorët dhe protagonistët tipikë të epokës së re të dashurisë, edhepse larg fizikisht, jemi bashkë, brenda një shpirti të vetëm, brenda mrekullisë, si një motor i fortë dashurie, që vë në lëvizje ndryshimet e duhura të kësaj bote bashkëkohëse. Në këtë ditë të madhe – mbretëresha ime e amshuar – zemraime frymon me shpirtin tënd e zemra jote frymon me shpirtin tim. Edhepse në botëra të ndryshme, jemi një dhe një do mbetemi. Uniteti ynë në dashuri ia kushtëzon dhe ia imponon kësaj bote ndryshimet, që gjithnjë bazohen në dashurinë tonë të përjetshme.

Prandaj, le t'i ndezim të gjithë motorët më potentë, që bashkë ta ndezim shpirtin e përjetshëm të dashurisë dhe bashkë t'i vëjmë në lëvizje mrekullitë e pandalura, që përfundimisht ta ndërrojmë dhe ta bëjmë kuptimplote këtë botë. Nuk dorëzohemi kurrë ne dhe do kurorëzojmë realizimine mijëra mrekullive bashkë, sepse erdhi dita jonë e mrekullive të dashurisë. Nuk do na mungojë kurrë bekimi i Zotit, prandaj mrekullitë e dashurisë i kemi të garantuara. Gëzuar!