Turqia kërkon që Perandoria Osmane të mos trajtohet okupatore!?

-- nga Frrok Kristaj

Ditë më parë në Turqi qëndroi ministri i arsimit dhe i teknologjisë së Kosovës nga i cili, siç thotë përfaqësuesi i Ambasadës turke në Prishtinë, u kërkua që të rishikohen tekstet e historisë së shqiptarëve, përkatësisht që Perandoria Osmane të mos trajtohet si okupatore deri në fillim të shekullit të kaluar në Kosovë(!?).

Kjo kërkesë është paksa e çuditshme, sepse pretendon korrigjimin e të kaluarës tashmë bukur të largët. Faktet historike ekzistojnë, por për këtë Turqia e sotme aspak nuk ka pse të ndihet e prekur, ngase brezat e tashëm në Turqi nuk janë fajtorë dhe as që duhet të japin përgjegjësi se dikur Perandoria Osmane paska qenë okupatore në këto vise. Bile, një gjë dihet, se populli turk i Turqisë, tash e sa kohë për shqiptarët kudo që janë, është popull mik. Shqiptarët, e veçmas ata të Kosovës, turqit i konsiderojnë popull mik, përkatësisht shtet mik të Kosovës, dhe jo vetëm që e njohu ndër shtetet e para shtetin e pavarur të Republikëssë Kosovës, por se ajo mori pjesë në Aleancën Veriatlantike të NATO-s për ta çliruar Kosovën, si dhe strehoi shumë refugjatë shqiptarë në kohën e Luftës Çlirimtare të Kosovës, pastaj për ndihmat që dha për Kosovën në shumë aspekte (ndihma humanitare, shkollim, kuadro, shërime kështu me radhë). Populli shqiptar, të mirat e Turqisë kurrë nuk duhet t’i harrojë, por edhe historinë nuk bën ta korrigjojë. Sipas kësaj logjike, atëherë edhe ilirët, që nën udhëheqjen e Aleksandrit të Madh i kishin okupuar tokat deri në Indi, përkatësisht Perandori bizantin Justiniani, dardan, që i kishte okupuar pothuajse të gjitha vendet e Mesdheut e më larg, nuk duhet trajtuar nga ato vende si okupator.

Po ato ishin luftëra okupuese dhe asgjë tjetër. Sido që ka qenë historia, duhet të mbetet histori, por kjo nuk duhet të na pengojë të mos jemi shtete mike. Megjithatë, më habit fakti se si mund të bëhet një kërkesë e tillë nga Turqia, aq më shumë kur dihet se edhe para pak vjetësh Turqia kishte kërkuar nga Shqipëriaqë “të ngrisë një komision dypalësh për rishikimin e rolit të Gjergj Kastriotit (mu atëherë kur shqiptarët e të gjitha viseve etnike shënonin 600-vjetorin e vdekjes), përkatësisht të rishikojë tekstet shqiptare të historisë, kuptohet, ato pjesë që kanë të bëjnë me luftërat shqiptaro-turke; se këtë duhet ta bëjnë shqiptarët në të mirë të integrimeve dhe të marrëdhënieve miqësore ndërmjet dy popujve”(!). Shqipëria këtë informatë e kishte fshehur dhe fare nuk e kishte informuar opinionin për diçka të tillë. Kjo edhe nuk do të dihej, sikur të mos e publikonte këtë lajmvetë agjencia e lajmeve “Anadolu Agency” e Turqisë. Turqia këtë kërkesë e kishte bërë vetëm e vetëm që “informacionet mbi marrëdhëniet Turqi-Shqipëri të reflektoheshin korrektësisht në librat shqiptaretë historisë”(!?).

Sipas kësaj logjike del se “qengji në anën e poshtme ia paska turbulluarujin ujkut në anën e sipërme”, dhe pas 500 vjetëve të sundimit të Turqisë në viset shqiptare tash duhet të konstatohet se ishim fajtorë pse ishim të okupuar, apo Turqia, e cila kurrë nuk kishte kërkuar falje dhe nuk kishte kompensuar dëme të luftës pesë shekullore mbi këtë popull dhenë këto troje, është e dëmtuar moralisht dhe materialisht. Po pikërisht kjo Turqi, për të cilën kam respektin më të madh, një gjë të tillë - të mos trajtohet okupatore në kohën e Perandorisë Osmane, a e ka kërkuar edhe nga shtetet tjera të Ballkanit,siç është Kroacia, Serbia, Mali i Zi, Maqedonia, Bosnja e Hercegovina, Bullgariae të tjera, historitë e të cilave po ashtu periudhëne Perandorisë Osmane e trajtojnë okupatore.

Edhe këto shtete sot kanë marrëdhënie të mira me Turqinë. Bile, atyre marrëdhënieve edhe ne u gëzohemi, pa marrë parasysh qëndrimin e Kosovës ndaj ndonjërës nga ato shtete. Fundja trajtimi i Perandorisë Osmane si okupatore nuk bën të jetë i pjesërishëm, përkatësisht se Perandoria Osmane për disa shtete të trajtohet si okupatore e për shtetet tjera jo. Atëherë, edhe Perandoria Romake, çka paska qenë këtu pos si okupatore(?), apo nesër a nuk paskemi të drejtë ta quajmë Serbinë okupatore(?) dhe jo vetëm Serbinë, por edhe Bullgarinë, Italinë, Gjermaninë e kështu me radhë. Megjithatë, të kaluarën duhet t’ia lëmë historisë, kurse tash si shtete mike, që kemi pjesëtarë shqiptarë në Turqi, përkatësisht pjesëtarë turq në Kosovë, duhet ta shikojmë ardhmërinë.

Historia aspak nuk duhet të na pengojë që të mos ecim bashkë përpara. Bile, shqiptarët, edhe pse kanë të drejtë, nuk do t’i hidhërohen Turqisë që edhe sot e kësaj dite nuk e ka zhvlerësuar marrëveshjen me Jugosllavinë për shpërnguljene shqiptarëve, sipas së cilës Jugosllavia mori disa qindra mijëra shqiptarë dhe i dërgoi nëpër viset më të pabanuara të Turqisë për t’i populluar ato, përkatësisht mu ajo marrëveshje ishte e lidhur me okupatorin tonë të mëvonshëm, që e zëvëndësoi Turqinë, e cila aspironte për t’ia liruar trojet etnike shqiptare okupatorit të ri (lexo: serbosllav).