Kontakto: [ ] ose [ Kontakti ]   [ Prapa ]

Fusha e poezisë edhe me një përmbledhje të re

Nue Oroshi: "Në rrokaqiellin e mbrapshtive"

-- nga Selman Etemi

Libri me poezi i poetit Nue Oroshi, me titull "Në rrokaqiellin e mbrapshtive", që arriti në dorë të lexuesit në dhjetor 2007, botuar nga shtëpia botuese OMBRA GVG / EQUINOX, Tiranë, na bën më të begatë në opusin e fjalës se shkruar shqipe.
Me këtë përmbledhje poezish, poeti Oroshi hyn qartë në shumëkëndëshin e çdo njeriu dhe shumë lehtë ndërtimi i vet poezisë shpërthen tek lexuesi. Përmes vargut autori shpreh vetvetën dhe disi s'gjen veten e vet vetëm te vetvetja. Poashtu, përmes vargut autori shumë kthjellët zbërthen botëkuptimin por dhe paraqet momentalen dhe sidomos të kaluaren-sikur yjet që përbëjnë universin, e që këtë z. Oroshi kërkon edhe tek të tjerët si njerëz të mirëfilltë.

Në shumë poezi subjekti është i zhveshur, këtë e bëjnë vet ata tek të cilët mungesë gjenë shpirti jo i plotë, frika, mungesa e gjenisë etj, por veten e gjenë brenda vargut të kësaj përmbledhje "Në rrokaqiellin e mbrapshtive".
Gjithashtu poezia i drejtohet dy ekstremeve tejet të forta dhe gjen shpresën aty ku fare mungon.
Në shumë raste poeti Oroshi, kuptohet se, jeton me vet poezinë dhe bile bile në kushtet më të vështira por dhe çnjerëzore atë e ka si pararojë në vete. Këtu në to, nganjëherë gjen ushqimin shpirtëror por edhe për të tjerët nuk mungon. Thelbi dhe mesazhi na janë me qartësi të plotë, dhe, shumë të tjerë i vë në pozitë të flasin me veten e vet, qoftë për mëkate apo të bëma mirësie. Autori me poezinë e vet nganjëherë na paraqitet disi edhe në situata thuaja të skajshme por shumë lehtë hyn në komunikim me lexuesin dhe bëhet një sinjozë e besës por dhe e shpresës. Këtë e bën me metaforë të fuqishme, me vizion shumë të kthejllët dhe domëthënës. Brëndia e shumë këtyre poezive i bën edhe ata që s'ndjejnë të ndjejnë, që edhe ata për momentin s'shohin të përcaktojnë rrugën e drejtë dhe realen. Në to mbizotëron dashuria për lirinë, atdheun, gjuhën, prindin, vlerën për njeriun, trimërinë, sakrificën e sidomos kombëtaren. Por dhe disi bën zëvendësimin e diktaturës me demokracinë, antivlerën me vlerën, tradhëtinë me besën, robërinë me lirinë, ferrin me natyrën e bukur...
Poashtu, autori na paraqet edhe padurueshmëri ndaj hipokrizisë dhe jo të vërtetës. Poezitë në përbërjen e vet bartin ngjyrë tëjet emocionuse, andaj edhe karakteri emocional është më kuptimplotë. Këtu kemi një varg me një muzikalitet përkatës, dhe të gjitha elementet që i shtojnë vlerën atij, siç janë, të shprehurit poetik me figuracin përkatës, pastaj ritmi, rima - e që i shtojnë vlerën vet kësaj vepre dhe për lexuesin e bëjnë më të kapshem. Strukturimi, ideja dhe tema janë disi të veçanta tek autori Nue Oroshi si krijues, e të cilat shfaqen në këtë përmbledhje të posa botuar.
Ky është libri i tretë me poezi, i cili i bashkangjitet edhe dy përmbledhjeve tjera poashtu me poezi te poetit dhe historianit Mr Nue Oroshi, me titull "Shenjat e shpirtit" (1996) dhe "Drejt atdheut" (2000). Gjerë me tani ka të shkruara e të botuara shumë punime dhe studime shkencore. Ka botuar edhe librin me shkrime historike me titull "Dëshmi kohërash" (2003).