Forumi Musliman i Kosovës del kundra vendimit të OKB-së!

Ka vite qe Italia lufton per heqjen e denimit me vdekje dhe mbas sa e sa perpjekjesh dhe kambenguljesh ma se fundi ia arriti qe me daten 18 dhetor 2007. Organizata e Kombeve te Bashkueme me shumice votash te marre vendimin kundra denimit me vdekje, me shprese qe te hiqet plotesisht ne te gjithe boten. Ne favor te heqjes se denimit me vdekje kan votue 104 shtete, kundra kane votue 54 shtete dhe kan abstenue 29 vende.

Vatikani, si nji shtet jopjesemarres por si vezhgues ne OKB, e pershendeti kete vendim. Ne ditet pasuese edhe Papa Benedikti i XVI e ka mbeshtete fuqimisht kete vendim te OKB-së.

Drejtori i Shtypit te Vatikanit pader Federico Lombardi ka thane se “votimi tregon se me gjithe vazhdimin e dhunes ne bote, ne familjen njerzore rritet koshienca e vleres se jetes se njeriut, e dinjitetit te personit, e konceptit jo hakmarres te denimit, ne kerkimin e nji drejtesie gjithnji e ma respektuese te drejtave te njeriut dhe ne refuzimin e zgjidhjes nepermjet ç’fardo lloje dhune”. Simbas pader Lombardit “ky votim mund te interpretohet si nji shej shprese dhe nji hap perpara ne rrugen e paqes. Pergezojme te gjithe ata qe e kan propozue dhe e kan mbeshtete me kambngulje, tue arrite keshtu nji rezultat qe deri pak kohe ma pare dukej i zorshem”...

Asht nji gja shume e gezueshme dhe hap i madh perpara drejte qytetnimit, qe mbas gjithe atyne vrasjeve dhe krimeve te bera gjate diktatures komuniste, Republika e Shqipnise ka qene nji nder 104 shtetet qe kan votue ne favor te heqjes se denimit me vdekje. Kjo vote e Shqipnise tregon hapin e madh human perpara, qe po ban shoqnia shqiptare ne Shqipni drejte konceptit euro-prendimor te respektimit te drejtave te njeriut, drejte qytetnimit, larg barbarise.

Edhe nga pikpamja e besimeve fetare, e te gjitha besimeve fetare pa perjashtim, jeten ia ka dhane njeriut Zoti, Allahu, dhe vetem Ai ka te drejte me ia marre dhe kerkush tjeter. Urdhni i peste nga te dhjet urdhnimet e Zotit thote: Mos vraj! Nuk ka te drejte njeriu te ia marre jeten njeriut. Simbas librave te shejte vrasja e pare, ka qene vrasja e Abelit nga vllai i tij Kaini. Kete e tergon dhe e denon edhe Bibla e Jezu Krishtit edhe Kur’ani i Muhammetit.

Lexova sot ne gazeten “SHQIPRIA ETNIKE” deklaraten per shtyp date 11.03.2008 te Kryetarit te Forumit Musliman të Kosovës ne Prishtinë z.Fuad Ramiqi te bame ne emen te “Forumit Musliman te Kosoves”:
http://shqiperiaetnike.net/shqiptaria/news.php?readmore=23 .

Jam çudite shume per qendrimin e Forumi Musliman i Kosovës, qe ne kundershtim me vendimin e Kombeve te Bashkueme dhe sidomos ne kundershtim me fjalen e Zotit-Allahut, del, bile publikisht, me nji deklarate shtypi kundra Projekt-Kushtetutes se Kosoves (te porsa te pamvarun) per lejimin e denimit me vdekje. Prejekt-Kushtetuta e Kosoves asht ne perputhje te plote me vendimin e OKB-s qe “Dënimi me vdekje është i ndaluar”, ndersa Forumi Musliman i Kosovës qe insiston “Dënimi me vdekje është i lejuar” bjen ne kundershtim flagrant me vendimin e OKB-s.

Prandej kisha dashte me dijte nga ky Forum Musliman Europian, se ne cilen faqe te Kur’an-it e paska gjete qe Zoti-Allahu i jepka te drejte njeriut te vrase nji njeri tjeter ?

Vetem Zoti ka te drejte me ja marre jeten njeriut!

FORUMI MUSLIMAN I KOSOVËS

Deklaratë për shtyp

Forumi Musliman i Kosovës me vëmendje është duke përcjell zhvillimet aktuale politike në Kosovë në këto çaste historike në të cilin po kalon populli i Kosovës pas shpalljes së pavarësisë së Kosovës edhe de jure nga Serbia, i cili është një hap përpara drejt zgjidhjes së çështjes shqiptare në Ballkan. Forumi Musliman i Kosovës me kujdes i ka vëzhguar diskutimet publike që kanë përfunduar para ca ditës lidhur me projekt-kushtetutë n e Republikës së Kosovës dhe e sheh të udhës që nëpërmjet kësaj deklarate për shtyp të shpreh opinionet e veta lidhur me këtë draft kushtetues duke njoftuar opinionin e gjerë kombëtar dhe ndërkombëtar me disa vërejtje si në aspektin e cenimeve të drejtave kombëtare ashtu edhe atyre fetare në këtë projekt-kushtetutë të Kosovës:

-“Republika e Kosovës është shtet i shtetasve të saj”.
- Republika e Kosovës është shtet i shqiptarëve dhe i komuniteteve që jetojnë në Kosovës, serbëve, boshnjakëve, turqve dhe romëve.
- “...dhe nuk do të kërkojë e as të pranojë të bashkohet me asnjë shtet ose pjesë të ndonjë shteti”.
- Me të vërtet çdo koment është i tepërt rreth formulimit të kësaj alineje i cili nuk ka logjikë dhe është shkelje flagrante e drejtave njerëzore për vetëpërcaktim.
- “Kosova është Republikë demokratike”.
- Kosova është republikë parlamentare.
- “Gjuhë zyrtare në Republikën e Kosovës janë gjuha shqipe dhe gjuha serbe”.
– Gjuhë zyrtare në Republikën e Kosovës është gjuha shqipe, ndërsa në komunat ku jetojnë në përdorim zyrtar janë edhe gjuha serbe, boshnjake, turke në pajtim me ligjin.
- “Forca e Sigurisë së Kosovës”. - Forca Ushtarake e Kosovës.
- “Këshilli i Sigurisë së Kosovës”. - Këshilli i Sigurisë Kombëtare të Kosovës.
- “Republika e Kosovës është shtet laik dhe neutral në çështje të besimeve fetare”.
– Republika e Kosovës është shtet i lirë e neutral në çështje të besimeve fetare.
- “Dënimi me vdekje është i ndaluar”. – Dënimi me vdekje është i lejuar.
- “Konfesionet fetare”. – Feja Islame, Kisha Katolike dhe Kisha Ortodokse Serbe si bashkësi fetare aktuale dhe tradicionale në Kosovë.
- “Liria e manifestimit të fesë, besimit dhe e ndërgjegjes mund të kufizohet me ligj”.
- Liria e manifestimit të fesë, besimit dhe e ndërgjegjes është e garantuar me kushtetutë dhe nuk mund të kufizohet me ligj.
Kulminacion i kësaj projekt-kushtetute të Kosovës është se në asnjë nen prej 160 neneve të saj nuk figuron as emri Zot e as emri shqiptar. Çdo koment është i tepërt.
Forumi Musliman i Kosovës fton komisionin kushtetues të Republikës së Kosovës që këto vërejtje dhe sugjerime t’i inkorporojë në Kushtetutën e Republikës së Kosovës e cila me të vërtet duhet të jetë një Kushtetutë praktike dhe demokratike sikurse në vendet tjera në rajon dhe botë me një traditë të gjatë kushtetuese.

11.3.2008
Kryetari i Forumit Musliman të Kosovës
Prishtinë
Fuad Ramiqi

P.S. Forumi Musliman i Kosovës është organizatë joqeveritare e shoqërisë civile të muslimanëve shqiptar dhe të tjerëve në Kosovë.