STAMFORD (Connecticut)
Ish-tjrajneri i ekipit të bejzbollit New York “Mets” Bobby Valentine, avokati i njohur Mickey Sherman, komentatori i “MTV”-së Eric Niese dhe një sërë personalitetesh të tjera morën pjesë në Kampionatin e Trëtë Vjetor të Golfit që Këshillit Kombëtar Shqiptaro Amerikan (KKSHA) mbajti më 5 maj 2003 në Klubin Sportiv “Rockrimmon” për të mbledhur fonde për fëmijët që janë lënduar nga konfliktet e armtasura në Ballkan.
Mëse 100 pjesëmarrës kaluan një ditë të mbushur me lojën e golfit, koktej si dhe një darkë çmimesh gjatë të cilës politikanë dhe aktivistë të komunitetit u dekoruan për punën e tyre në dobi të shqiptarëve në të dyja anët e Atlantikut, ndërkohë që tri ekipet më të mira fituan çmime sportive.
Me një gamë tepër të gjerë sponsorizuesish, si kompani amerikane prestigjioze makinash, restorante shqitare tepër të njohura, paketa pushimesh nëpër ishuj të largët dhe pajisje të sportit të golfit, evenimenti i këtij viti mblodhi mëse 100.000 dollarë amerikanë që do të përdoren për një sërë projektesh në dobi të fëmijëve të Ballkanit, sidomos në Kosovë, Shqipëri, Maqedoni e Malësi.
Çmimet e mundshme përfshinin automobilë të shtrenjtë si “Maserati”, “CTS Cadillac”, “BMW” si dhe mundësi të tjera disi më pak të vlefshme, si vodka “Grey Goose” dhe certifikata për të ngërënë darkë falas nëpër restorante të shumta në zonën e tri-shtetëshit.
I nderuar me çmimin “Branch Rickey” për shërbimet humanitare gjatë rimëkëmbjes nga goditja e 11 shtatorit si dhe me çmime nga Fondacioni “Cooley’s Anemia” dhe Fondacioni “Kombëtar për Diabetin”, trajneri dhe komentatori i njohur sportiv, Valentine, e çmoi fushatën “Duart e Shpresës” së KKSHA-së si një përpjekje e palodhur për të përmirësuar jetët e shumë fëmijëve qa janë lënduar nga luftërat e shumta në Ballkan. Ai tha se fondi humnitar i KKSHA-së është një dorë që ndihmon njerëzit kudo në botë.
Kongresisti amerikan Eliot Engel, i cili pat ardhur nga Washington-i enkas për të marrë pjesë në Darkën e Çmimeve, e vlerësoi KKSHA-në si njër organizatë që po sjell një ndryshim rrënjësor në përmirësimin e cilësisë së jetesës së fëmijëve të Ballkanit. Kongresisti Engel e përgëzoi KKSHA-në për punën e jashtëzakonëshme që ajo është duke bërë në promovimin e demokracisë, përkrahjen e udhëheqësve të ardhshëm si dhe ofromin e ndihmave humanitare në Ballkan. Avokti Sherman, i cili ka qenë në gjendje të vëmendjes së medias për përfaqësimin legal të personaliteteve të shumta, përfshi edhe kushëririn e Kennedy-t, Michael Skakel, tha se ishte i lumtur të ndihmonte në këtë përpjekje humanitare që synon të ndihmojë viktimat më të mëdha të luftërave – fëmijët.
Senatori Guy Valella i Asamblesë së Shtetit të New York-ut dhe aktivisti i komunitetit shqiptaro-amerikan, Dino Erblei, u vlerësuan me çmimet “Duart e Shpresës”, ndërsa Bekim Laiqit iu dha çmimi “Ndihmues i Komunitetit”. Për shkakt të seancës aktuale të Asamblesë senatori Valella nuk ishte në gjendje të merrte pjëse në aktivitetin fondmledhës. Steve Alfasi, i cili pranoi çmimin e KKSHA-së në emër të Valella-s, lexoi një letër që senatori kishte dërguar për të përshëndetur të pranishmit.
Ndër të tjera, në letrën e senatorit Valella shkruhej: “Unë e kam përkrahur gjithnjë me gjithë zemër Fushatën ‘Duart e Shpresës’. Organizatat si kjo juaja frymëzojnë shumë njerëz. Si një grup jo-përfitues i përkushtuar ndaj përmirësimit të fatit të fëmijëve të Ballkanit, organizata juaj do të ndërtojë demokraci të fuqishme, do të përmirësojë mundësitë e edukimit dhe do të promovojë një mjedis i cili respekton të drejtat njerëzore”. Në vazhdim, senatori kishte shënuar se, “Duke punuar së bashku, ne mund t’i ndihmojmë fëmijët e të gjithë mërgimatërëve shqiptarë nga Ballkani gjatë tranzicionit të tyre në shoqërinë e re në Shtetin e New York-ut”. Aktivisti i komunitetit, Erbeli, i cili është anëtar i Brodit Drejtues të KKSHA-së, shprehu kënaqësi me mbarëvajtjen e aktivitetit të sivjetshëm.
“Fakti që një numër I madh shqiptarësh dhe amerikanësh morën pjesë në këtë aktivitet të bukur dhe ia kaluan shumë mirë ndërkohë që mblodhën ndihma për një çështje të rëndësishme tregon se këtë vit kampionati i golfit ishte një sukses”, tha Erbeli, duke shtuar se shpresonte se edhe kampionatet vjetore të ardhshme do të shkojnë po kaq mirë. Ndër të ftuarit e nderit ishte edhe Dominick Scaglione, i cili u tregoi pjesëmarrësve mbi jetën e tij të vështirë në një jetimore në Itali. Scaglione, i cili mërgoi në tokën e premtuar në vitin 1951, doli shkëlqyeshëm në shkollë dhe arriti të ngjisë shkallët e suksesit duke u bërë një Zyrtar i Lartë i Marketingut në Departamentin e Evropës Perëndimore të Bankës gjigante “Chase Manhattan”. Ai kujtoi vizitën e tij të parë në Shqipëri në vitin 1995, gjatë të cilës u prek shumë nga kushtet e vështira të jetesës nëpër jetimoret e vendit.
Kryetari i KKSHA-së Richard S. Lukaj foli për përpjekjet këmbëngulëse të organizatës për të mbledhur fondet që u nevojiten shumë fëmijëve të Ballkanit ndërkohë që sulmi terrorist kundër Amerikës gati një vit e gjysmë më parë ndikoi negativisht në zhvendosjen e përparësive.
“Tek ia nisëm nga puna për fushatën e 2003, ne na bëri shumë përshtypje se sa e ndryshme bota është sot në krahasim me kohën kur fushata nisi tre vite më parë. Ne madje ngritëm edhe pyetjejn se nëse ndodhitë tragjike të 11 shatorit 2001 do të nxirrnin nga shinat interesin për përkrahjen e fëmijëve në Balknat të cilët më tepër se kurrë kanë nevojë për ndihmën tonë”, tha Lukaj. Ai shtoi se shumë organizata jo-qeverirtare i kanë dërguar shumë prej burimeve të tyre në Afganistan dhe zona të tjera të trazuara të globit, duke lënë kështu më pak burime për Ballkanin.
“Realiteti i vështirë në rajon si dhe vendosmëria jonë për të sjellur ndryshime pozitive i kanë intensifkuar përpjekjet tona dhe kanë thelluar përkushtimin tonë ndaj qëllimit të ndihmimit të fëmijëve në Evropën Juglindore. ‘Ndërtimi i kombëve’ është një temë për të cilën ne do të dëgjojmë më shpesh ndërkohë që bota vepron në mënyrë më aktive për të rrëzuar diktatorë e për të promovuar demokracinë. Ne do të bëjmë aq sa mundemi për t’i mbushur me më tepër shpresë jetët e fëmijëve të Ballkanit”, tha Lukaj.
Në shpalsojen e aktivitetit të sivjetshëm ndihmuan një sërë zyrtarësh të Organizatës Shqiptaro Amerikane të Gruas “Motrat Qiriazi”, si Shqipe Malushi, Shqipe Biba, Venera Bekteshi, Nakie Berisha, Luljeta Çeku, Sevina Cici dhe David Joseph.
Aktiviteti u sponsorizua nga një numër i madh kompanishë e individësh, ndër të cilët edhe : Alba Construction; Albanian Yellow Pages; Alta Communications; Anthony’s Pier 4; Anthony Totilo Architects and Associates; Bajraktari Management Corp, LLC.; Benjamin Maintenance; Classic Realty; DeCaro Associates; Greenëich Cadillac; Greenwich Surgical Group; Houlihan Lokey Howard & Zukin; Illyria Newspaper; Kaye Insurance Associates, Inc.; Lamsia Corporation; LogicalNET Corp; L&L Properties; Luxury Mortgage Corp; Mariner investment Group; Meridian Capital Group; Mid Manhattan Painting; Miller Motorcars; Platinum Maintenance; Quality Stairs; Ron Cami; Sound Federal Savings Bank; The Lukaj Foundation; Wilton Motors; etj.