KKSHA-ja do të organizojë një forum publik me zyrtarë të Departamentit të Shtetit Amerikan për të diskutuar të ardhmen e Kosovës

Washington DC, 2 Maj, 2003: Keshilli Kombetar Shqiptaro Amerikan (KKSHA) leshoi kete deklarate per shtyp ne lidhje me forumin publik qe do te mbahet ne New York me daten 9 Maj.

Keshilli Kombetar Shqiptaro Amerikan (KKSHA/NAAC) do te organizoje nje forum publik me zyrtare te Departamentit te Shtetit Amerikan per te diskutuar te ardhmen e Kosoves. Ky forum do te mbahet me daten 9 Maj, 2003 ne oren 7:30 p.m. ne dhomen Herald Square, ne katin e trete te hotelit New Yorker. Adresa e hotelit eshte 481 8th Avenue, New York, NY 10001. Folesit kryesore te ftuar ne kete forum jane Z. Donald Braum, Zevendes-Drejtor per Kosoven, ne Zyren e Ceshtjeve te Europes Qendrore dhe Jugore ne Departamentin e Shtetit Amerikan, Z. Joshua Black, zyrtar mbi ceshtjet e Kosoves dhe Z. Martin Vulaj, Drejtor i Pergjithshem i KKSHA-se. Perfaqesues te organizatave Shqiptaro Amerikane dhe anetare te komunitetit Shqiptar ne Amerike priten te marrin pjese ne kete eveniment.

Ne kete forum, zyrtaret e Departamentit te Shtetit do te diskutojne perspektivat dhe qendrimin politik te qeverise Amerikane mbi te ardhmen e Kosoves, si dhe do te flasin mbi sfidat qe po has Kosova sot gjate procesit te ndertimit te institucioneve demokratike si dhe gjate hyrjes ne ekonomine e tregut. Pas fjalimeve te mbajtura ceshtjet e diskutuara ne kete forum do te shtjellohen edhe me tej ne nje sesion pyetjesh dhe pergjigjesh ndermjet folesve te ftuar dhe publikut.

Kater vjet pasi NATO vuri nen kontroll territoret e shqiptareve qe kishin uzurpuar forcat e Slovodan Miloshevicit, Kosova ka hedhur themelet e insitucioneve te vete-qeverisjes. Kosova ka nevoje te ndertoje programe te forta ekonomike qe do te sjellin zhvillim te metejshem, stabilitet politik dhe nje bashkepunim me te madh rajonal. Ky forum publik gjithashtu do te diskutoje mbi rendesine jetike te ketyre institucioneve te formuara dhe maredhenien e tyre me autoritetet e UNMIK-ut. Akoma edhe me e rendesishme per kete forum eshte trajtimi i ceshtjes se statusit perfundimtar te Kosoves.

Martin Vulaj, Drejtor i pergjithshem i KKSHA-se verejti se “ky forum eshte ne rrjedhen e vazhdimesise se perjekjeve te KKSHA-se per te sjelle me afer komunitetin Shqiptaro Amerikan me qeverine Amerikane dhe t’ju ofroje te dy paleve nje oportunitet per shkembimin e pikepamjeve te tyre. Ky eshte nje shembull i influences pozitive qe KKSHA ka ne Washington dhe demonstron qarte perpjekjet e KKSHA-se per te permiresuar jeten e te gjithe shqiptareve ne Ballkan.”

Ky forum eshte i hapur per publikun dhe shtypin. Ju lutem kontaktoni Valbona Sherifin ne adresen [email protected] ose ne telefonin 202-466-6900 per te rezervuar nje vend ne listen e pjesemarresve.

Këshilli Kombëtar Shqiptaro Amerikan (KKSHA) është një organizatë jo përfituese dhe jo qeveritare e dedikuar ndaj përkrahjes së çështjeve shqiptare, promovimit të paqes dhe zhvillimit ekonomik në Ballkan për të forcuar politikat demokratike, për të inkurajuar respektin për të drejtat e njeriut nëpërmjet ofrimit të programeve të zhvillimit dhe edukative. Për më shumë informacion mbi KKSHA-në luteni të vizitoni këtë faqe Interneti: www.naac.org.